Aýyl sharýashylyǵy óndirisi: Qazaqstan men Reseı arasyndaǵy saýda 1 mlrd dollarǵa artqan
ASTANA. KAZINFORM – Ekijaqty yntymaqtastyq odan ári kúsheıe bermek. Bul jóninde Qasym-Jomart Toqaev Vladımır Pýtınmen bolǵan kelissózderden keıingi BAQ ókilderine arnalǵan brıfıngte málimdedi.
– Bizdiń kópqyrly yntymaqtastyǵymyz eki memlekettiń halqyna is júzinde paıda ákeletin aýqymdy jobalarǵa negizdeledi. Saýda-ekonomıkalyq baılanystardyń turaqtylyǵy, kásipkerlerdiń belsendiligi Qazaqstan jáne Reseı ekonomıkasynyń negizgi salalaryn turaqty túrde damytyp keledi, – dedi ol.
Memleket basshysynyń aıtýynsha, aýyl sharýashylyǵy óndirisiniń ózinde ekijaqty saýda sońǵy bes jylda 1 mlrd dollarǵa artqan.
– Buǵan deıin aıtylǵandaı, Reseı Qazaqstanǵa tikeleı ınvestıtsııa quıý kórsetkishi boıynsha eń aldyńǵy orynda. Bul kórsetkish 29 mlrd dollardan asty. Al Qazaqstannyń Reseı ekonomıkasyna salǵan ınvestıtsııasy 9 mlrd dollarǵa jetti. Bul da jaqsy kórsetkish. Qazaqstanda Reseıdiń úlesi bar 20 myńnan asa kompanııa jumys isteıdi. Bıyl 20 tamyzda bolatyn óńiraralyq forým ózara yntymaqtastyqty odan ári órkendetetinine senemin, – dedi Qasym-Jomart Toqaev.
Aıta keteıik, buǵan deıin Qazaqstan men Reseı arasyndaǵy ózara taýar aınalymy jaqyn arada 30 mlrd dollardan asyp túsetinin jazǵanbyz.
