Aýyl sharýashylyǵy mınıstrliginiń burynǵy sheneýnigi ustaldy

ASTANA. KAZINFORM – Aýyl sharýashylyǵy mınıstrliginiń burynǵy sheneýnigi 1,5 mlrd teńge kólemindegi sýbsıdııany jymqyrdy degen kúdikpen ustaldy. Bul týraly Antıkor habarlady. 

QMA Almaty oblysy boıynsha departamenti bıýdjet qarajatyn jymqyryp olardy odan ári jylystatty dep kúdiktengen máslıhattyń burynǵy depýtaty B.Q. Ábishevke jáne basqa da adamdarǵa qatysty tergeý isinde jańa faktiler anyqtaldy. 

— Tergeý nátıjesinde burynǵy Aýyl sharýashylyǵy mınıstrligi departamentiniń dırektory B. S. Aımbetovtyń 2018-2022 jyldar aralyǵynda Jambyl jáne Túrkistan oblystarynda sýbsıdııa alý kezinde alaıaqtyqqa qatysy bar ekeni anyqtaldy. B. K. Abıshev pen B. S. Aımbetov 29 aýylsharýashylyq kooperatıviniń elektrondyq tsıfrlyq qoltańbalaryn paıdalanyp, elıtalyq túrdegi tańqýraı kóshetteriniń jalǵan jetkizilýi týraly qujattardy qoldana otyryp, jalpy somasy 1,5 mıllıard teńge bolatyn sýbsıdııa alǵan, — delingen habarlamada.

Tergeý soty B. S. Aımbetovke qatysty eki aıǵa «qamaýda ustaý» sharasyn sanktsııalady.

Tergeý jalǵasýda.

Basqa aqparattar Qylmystyq is júrgizý kodeksiniń 201-babyna sáıkes jarııalaýǵa jatpaıdy. 

Aıta ketelik 550 mln teńge jymqyrǵan bóliminiń basshylary jáne 8 býhgalter sottalǵan edi.