Aýyl sharýashylyǵy mınıstrligi jylyjaılardy sýbsıdııalaý jumysyn bastady

Aýyl sharýashylyǵy mınıstrligi jabyq topyraqta kókónis ósirýdiń tabystylyǵyn arttyrý arttyrý maqsatynda basym daqyldar sheginde ósimdik sharýashylyǵyn sýbsıdııalaý qaǵıdalaryna tıisti ózgerister engizdi, dep habarlaıdy Kazinform.  

Mınıstrliktiń baspasóz qyzmetiniń málimetinshe, túzetýler maýsymaralyq kezeńde sýbsıdııalaý mólsherlemeleri boıynsha 1 gektardyń shyǵynyn (elektr energııasy, gaz, kómir úshin) sýbsıdııalaýdy kózdeıdi.

Basym daqyldardyń tizbesin jáne sýbsıdııalaý normatıvterin jergilikti atqarýshy organdar bekitýi tıis. Búgingi tańda Túrkistan oblysy men Shymkent ákimdikteri ónerkásiptik jáne fermerlik jylyjaılar úshin osy jylǵa arnalǵan sýbsıdııalardyń kólemi men normatıvterin bekitti.

JAO qabyldaǵan normatıvter sýbsıdııalaýdyń biryńǵaı memlekettik aqparattyq júıesiniń (SBMAJ) bazasyna engizildi. Ótinimderdi qabyldaý 2023 jyldyń 20 jeltoqsanyna deıin ashyq.

Bıýdjet qarajatyn tıimdi jumsaý, sondaı-aq barlyq agrotehnologııalar saqtalatyn jylyjaılardy qoldaý úshin óndiris tehnologııalaryna sáıkestik sertıfıkatynyń (esebiniń) bolýy mindetti talap bolyp sanalady.

Ulttyq standartty QR SIM Tehnıkalyq retteý jáne metrologııa komıteti AShM jáne bıznes ókilderimen birlesip ázirledi. Ol 2023 jyldyń 1 mamyrynan bastap kúshine endi.

2023 jylǵy 1 jeltoqsandaǵy jaǵdaı boıynsha 756 ótinim qabyldanyp, fermerlik jylyjaılar úshin 726 sertıfıkat berildi. Jumysta 30 ótinim bar.

Sertıfıkat alýǵa qatysty barlyq suraq boıynsha QR SIM Tehnıkalyq retteý jáne metrologııa komıtetine habarlasýǵa bolady. Standart new-shop.ksm.kz saıtynda ornalastyrylǵan.

Sonymen qatar AShM ınvestıtsııalyq sýbsıdııalaý aıasynda jylyjaı keshenderin salý jáne keńeıtý jobalaryn iske asyrý kezinde úlesti 25%-dan 30%-ǵa deıin arttyrý bóliginde tıisti ózgerister engizdi. Bul ózgeris 2023 jyldyń 10 jeltoqsanynda kúshine enedi.