Aýyl sharýashylyǵy mınıstrligi shegirtkeniń taraýyna baılanysty málimdeme jasady
ASTANA. KAZINFORM - 2025 jyly el aýmaǵynda shegirtkelerdiń taralý aýmaǵy 2,1 mln gektarǵa deıin jetýi múmkin dep boljanýda.
QR Aýyl sharýashylyǵy mınıstrligi baspasóz qyzmetiniń habarlaýynsha, qazirgi ýaqytta 14 óńirde 596,3 myń gektar alqapta óńdeý jumystary júrgizildi.
Jumystar josparǵa sáıkes, shtattyq rejımde júrgizilip jatyr. Olardy Aýyl sharýashylyǵy vıtse-mınıstrleri, Agroónerkásiptik keshendegi memlekettik ınspektsııa komıtetiniń ókilderi, sondaı-aq óńirlerde qurylǵan jedel shtabtar baqylaýda ustap otyr.
Aýyl sharýashylyǵy mınıstri Aıdarbek Saparov Jambyl, Túrkistan jáne Qyzylorda oblystaryndaǵy ahýaldy jeke baqylaýyna alǵan.
Kúres sharalaryna 443 arnaıy búrký tehnıkasy jumyldyrylyp, zertteý jumystaryna 4 625 maman tartylǵan. Qajetti tehnıka men preparattar jetkilikti.
Sonymen qatar, ınternet keńistiginde jáne buqaralyq aqparat quraldarynda shegirtkelerdiń jappaı ári baqylaýsyz taralýy týraly shyndyqqa sáıkes kelmeıtin habarlamalar men beınematerıaldar tarap jatyr. Mundaı aqparattar shynaıy jaǵdaıǵa jáne zııankesterdiń damý satysyna sáıkes kelmeıdi.
- Qoldanystaǵy zańnamaǵa sáıkes, jalǵan aqparat taratqany úshin jaýapkershilik kózdelgenin eske salamyz. Aqparatty tek resmı derekkózderden — Aýyl sharýashylyǵy mınıstrligi men oblys ákimdikteriniń resmı resýrstarynan alýǵa shaqyramyz. Tekserilmegen málimetterdi jarııalaýdan jáne ádeıi jalǵan aqparat taratý áreketterinen bas tartýǵa úndeımiz, - delingen AShM habarlamasynda.
Aıta keteıik, keshe Premer-mınıstr orynbasary — ulttyq ekonomıka mınıstri Serik Jumanǵarınniń tóraǵalyǵymen Úkimette shegirtkege qarsy kúres jónindegi respýblıkalyq shtab otyrysy ótti.