Aýyl sharýashylyǵy mınıstrligi fermerlerden 350 myń tonna astyq satyp alady
Qazaqstanda fermerlerdi qoldaýdyń jańa sharasy qabyldandy, dep habarlaıdy Kazinform.
«Biz qazir otandyq fermerlerdi qoldaýdyń buryn-sońdy bolmaǵan sharasyn qabyldadyq. ıAǵnı, azyq-túlik kelisimshart korporatsııasy arqyly fermerler úshin forvardtyq kelisimsharttar boıynsha satyp alý baǵasy yńǵaıly bolyp belgilendi. Qazir Qarjy mınıstrligine azyq-túlik korporatsııasy tarapynan tikeleı satyp alý úshin bıýdjet qarajatyn bólýdiń rásimderi ótip jatyr. Biz 2 jyl boıy fermerlerden astyq satyp alatyn bolamyz», - dedi QR Aýyl sharýashylyǵy vıtse-mınıstri Azat Sultanov «KazAgro-2023» halyqaralyq kórmesi aıasynda BAQ ókilderiniń saýalyna jaýap bere otyryp.
Sonymen qatar vıtse-mınıstr qazaqstandyq fermerlerden satyp alynatyn astyqtyń kólemin atady.
«Árıne, kólem az, nebári 350 myń tonna. Bul syn aıtylyp jatyr. Biraq bizdiń maqsat - fermerlerdiń barlyq astyǵyn satyp alý emes. Baǵdarlamanyń maqsaty - ishki naryqtaǵy baǵany turaqtandyrý jáne jekelegen zardap shekken fermerlerge sapasy óte tómen astyqty satýǵa kómektesý», - deıdi ol.
Buǵan deıin habarlaǵanymyzdaı, Aýyl sharýashylyǵy mınıstrligi bıyl jınalatyn astyq kólemine boljam jasady.
Odan bólek, vıtse-mınıstr A. Sultanov bıyl astyq eksportynyń qysqartatynyn aıtty.
