Aýyl sharýashylyǵy mınıstri kıik sanyn retteýge qatysty pikir bildirdi

ASTANA. KAZINFORM — Aýyl sharýashylyǵy mınıstri Aıdarbek Saparov kıik sanyn retteýge qatysty pikir aıtty.

«Kıik sany artyp keledi. Qalaı bolǵanda da, ony retteý kerek dep oılaımyn. Olardy atýdyń qajeti joq, bul turǵyda kıikti aýlap ustaýdy uıymdastyrǵan jón. Et kombınattarymyz daıyn, standarttar ázirlendi, ıaǵnı jumysty júzege asyra alamyz. Men kıikti atý jaıynda eshteńe aıta almaımyn. Biz torlarmen aýlaý týraly aıtyp otyrmyz», - dedi A.Saparov Parlament Májilisinde tilshiler suraǵyna jaýap bere otyryp.

Onyń aıtýynsha, aldaǵy ýaqytta egistikterge kıikterdi ótkizbeıtin arnaıy qorshaýlar ornatý máselesi talqylanbaq.

«Qazir kıikter keltirgen zııandy anyqtaıtyn ádisteme áli ázirlengen joq. Ol ázirlense de, jeńildikti nesıe men sýbsıdııalaý boıynsha suraqtar bar, ıaǵnı bıýdjet sheksiz emes. Sondyqtan bul turǵyda oılanýymyz kerek. Birer aptadan keıin bizdiń vıtse-mınıstrimiz jáne Ekologııa mınıstrliginiń ókili Batys Qazaqstanǵa barady. Sonda qorshaý torlaryn nemese basqa da qorǵaý is-sharalaryn sýbsıdııalaý taqyrybyn talqylaımyz», - dedi mınıstr.