Aýyl sharýashylyǵy mashınasyn jasaý salasynda oń qarqyn bar - Úkimet
ASTANA. KAZINFORM – Elimizde 12 brendtiń traktorlaryn shyǵaratyn 10 zaýyt bar. Bul týraly Úkimet otyrysynda QR Ónerkásip jáne qurylys mınıstri Ersaıyn Naǵaspaev málim etti.
- Turaqty oń dınamıka aýyl sharýashylyǵy mashınasyn jasaý salasynda da baıqalýda. Jyl qorytyndysy boıynsha ósim 30,4 paıyz qurady. Búginde otandyq óndirýshiler ishki naryqtyń toqsan paıyzyn qamtamasyz etip otyr. Elimizde on eki brendtiń traktorlaryn shyǵaratyn 10 zaýyt jáne jalpy qýattylyqtaǵy 35 myń aýyl sharýashylyǵy tehnıkasyn shyǵaratyn jıyrmadan astam kásiporyn jumy isteıdi. Byltyr John Deere amerıkandyq brendiniń aýyl sharýashylyǵy tehnıkasy shyǵaryla bastady. Sonymen qatar, ótken jyldyń qarashasynda Memleket basshysynyń AQSh-qa sapary aıasynda John Deere-men 3 myńnan astam tehnıka óndirisin lokalızatsııalaý, servıs ortalyqtaryn qurý jóninde strategııalyq kelisimge qol qoıyldy, - dedi E. Naǵaspaev.
Onyń aıtýynsha, osy jyly John Deere-den keıin Eýropa men Kanadadaǵy seriktes brendterdiń de lokalızatsııaǵa qosylýy josparlanyp otyr.
Budan buryn habarlanǵandaı, Ónerkásip mınıstri Qarmet-tegi ózgeristerge túsinik berdi.