Aýyl sharýashylyǵy mashınalaryn jasaý salasyndaǵy ınvestıtsııa kólemi 1,7 esege ósti

ASTANA. KAZINFORM — salaǵa baǵyttalǵan ınvestıtsııa kólemi 1,7 esege ósip, 9,5 mlrd teńgege jetti. 

Qazaqstanda aýyl sharýashylyǵy mashınalaryn jasaý salasy qarqyndy damyp keledi.

2025 jyldyń qańtar-qazan aılarynda salaǵa baǵyttalǵan ınvestıtsııa kólemi 1,7 esege ósip, 9,5 mlrd teńgege jetti. Bul týraly «QazIndustry» AQ Mashına jasaý salasyn damytý dırektsııasy habarlady.

— Ósim kórsetkishterine Shyǵys Qazaqstan oblysynda jylyna 500 jańbyrlatqysh mashınalaryn óndiretin «Ertis Bereke Oskemen» kompanııasynyń jáne Jetisý oblysynda jylyna 960 jańbyrlatqysh mashınalaryn qurastyratyn «Jetisu Agro Complex» kompanııalarynyń jobalaryn iske qosý yqpal etti, — delingen habarlamada.

Atalǵan eki joba boıynsha ınvestıtsııalardyń jalpy kólemi 8,1 mlrd teńge boldy.

Aıta ketelik Qazaqstanda sıyr tuqymyn embrıon deńgeıinde asyldandyratyn zerthana ashylýy múmkin.