Aýyl sharýashylyǵy mamandyǵynda oqyp jatqan stýdentterdiń shákirtaqysy qashan artady
ASTANA. KAZINFORM — Premer-mınıstr Oljas Bektenov Senat depýtattarynyń aýyl sharýashylyǵy mamandyǵynda oqyp jatqan stýdentterdiń shákirtaqysyn kóterýge qatysty saýalyna jaýap berdi.
— «Aýyl sharýashylyǵy jáne bıoresýrstar» men «Veterınarııa» baǵyttary boıynsha bilim alatyn stýdentter úshin basqa da daıyndyq baǵyttarymen qatar 2025 jyldyń 1 qyrkúıeginde shákirtaqy kólemi 2024 jylmen salystyrǵanda 20 paıyzǵa artyp, 52 372 teńge boldy. Bul rette shákirtaqy kólemin arttyrý UBT-nyń shekti balyn kóterýdi talap etedi. Óıtkeni, ol pedagogıkalyq baǵytta — 70 ball, al medıtsına baǵytynda — 75 ball. Agrarlyq mamandyqtar boıynsha shekti balldy kóterý (búginde 50 ball) talapkerlerdiń atalǵan beıinder boıynsha joǵary oqý ornyna túsý múmkindigin shekteıdi, — dedi Úkimet basshysy.
Sonymen qatar Premer-mınıstr stýdentterdiń shákirtaqy kólemin arttyrý úshin respýblıkalyq bıýdjetten qosymsha qarajat qajet bolatyndyǵyn atap ótedi.
— Aıtylǵandy eskere otyryp, aýyl sharýashylyǵy baǵytynda bilim alyp jatqan stýdentter úshin shákirtaqy mólsherin arttyrý máselesin 2028 jyldan keıin qarastyrǵan jón, — dedi Oljas Bektenov.
Buǵan deıin Májilis depýtattary da agrarlyq mamandyq stýdentteriniń shákirtaqysyn kóterýdi usynǵan edi.