Aýyl sharýashylyǵy kooperatıvteri bir jylda 9,6% artty
ASTANA. KAZINFORM — 2025 jyldyń qorytyndysy boıynsha Qazaqstanda 4 894 aýyl sharýashylyǵy kooperatıvi qyzmetin júzege asyrdy. Bul 2024 jylmen salystyrǵanda 429 kooperatıvke nemese 9,6% kóp.
Jumys istep turǵan aýyl sharýashylyǵy kooperatıvteri sanynyń ósýi elimizdiń birqatar óńirinde baıqaldy. Ósimniń eń joǵarǵy qarqyny Ulytaý, Pavlodar, Atyraý jáne Mańǵystaý oblystarynda tirkeldi. Jumys istep turǵan kooperatıvterdiń eń kóp sany Túrkistan oblysynda shoǵyrlanǵan. Óńirde 994 kooperatıv qyzmetin júzege asyrdy, bul respýblıkadaǵy olardyń jalpy sanynyń 20% astamyn qurady.
Negizgi qyzmet túrleri boıynsha eń úlken úlesti mal sharýashylyǵy salasynda qyzmetin júzege asyratyn aýyl sharýashylyǵy kooperatıvteri quraıdy – 1 882 kooperatıv. Sonymen qatar aralas aýyl sharýashylyǵy salasynda mamandanǵan 1 554 kooperatıv jumys isteıdi.
2025 jyly aýyl sharýashylyǵy kooperatıvteri óndirgen ónim kólemi qoldanystaǵy baǵamen 117,6 mlrd teńge. Bul 2024 jylmen salystyrǵanda 40,2% artyq. Ótkizilgen ónimniń jıyntyq kólemi 22,2 ósti.
Aldyńǵy jylmen salystyrǵanda aýyl sharýashylyǵy kooperatıvteriniń jekelegen aýyl sharýashylyǵy tehnıkasymen qamtamasyz etilý deńgeıi de artty. Atap aıtqanda, traktorlar sany 24,9%, al soqalardyń sany 11,1% kóbeıdi.
Aıta ketelik AShM Qyzylordada sýbsıdııa nege berilmeı otyrǵanyn túsindirgen edi.
