Aýyl sany nege toqtaýsyz azaıyp jatyr — UEM jaýaby

ASTANA. KAZINFORM — Ulttyq ekonomıka mınıstriniń orynbasary Baýyrjan Omarbekov Májilistegi dóńgelek ústelde eldegi aýyldardyń sany nege toqtaýsyz azaıyp jatqanyn aıtty.

Бауыржан Омарбеков
Фото: ҰЭМ баспасөз қызметі

— 2025 jyldyń 1 qańtaryndaǵy jaǵdaı boıynsha 6147 aýyl bar. Onda 7,5 mıllıonnan astam halyq ómir súrip jatyr. Aýyl halqynyń sany 38,4 paıyz kóleminde. Aýyldardaǵy jumyssyzdyq deńgeıi 4,7 paıyz boldy. Al ózin-ózi jumyspen qamtyp otyrǵandardyń úlesi — 33 paıyz, — dedi vıtse-mınıstr.

Sondaı-aq, ol keı aýyldardyń jabylýyna obektıvti sebepter áser etkenin atap ótti.

— Aýyl sanyna qatysty aıtsaq, ıá, aýyldar sanynyń azaıýy oryn alyp otyr. Sońǵy 5 jyldyń ishinde 194 aýyl jabyldy. Onyń obektıvti sebepteri de bar. Mysaly, Alataý qalasy qurylǵan kezde mańyndaǵy 12 aýyldyq eldi meken quramyna kirip ketti. Jalpy negizgi statıstıka sol, 194 aýyl jabyldy, — dedi Baýyrjan Omarbekov.

Eske salsaq, vedomstvonyń buǵan deıin bergen deregi boıynsha, keıingi on jylda Qazaqstan kartasynan 572 aýyl joıylǵan

Сейчас читают