«Aýyl irgesinde aıý júr»: ShQO-da ınspektorlar aıýdy taba almady

ÓSKEMEN. KAZINFORM –Shyǵys Qazaqstan oblysy Glýbokoe aýdanynyń turǵyndary aıýdyń aýyl irgesine kirip ketkenin aıtqannan keıin sol jerge ınspektorlar bardy.

Taıaýda Bobrovka aýylynyń halqy eldi meken shetine aıý kirip ketip, birneshe omartany búldirgenin jetkizgen bolatyn. 

Sol kezde «Orman jáne ańshylyq sharýashylyǵy» MM qyzmetkerleri habar túse salysymen aýylǵa qaraı jolǵa shyqqan.

— Bizdiń ınspektorlar aıýdy birneshe kún boıy izdedi. Alaıda aıý da, onyń izi de tabylmady, — deıdi memlekettik mekemeniń baspasóz hatshysy Maqsat Shakırov.

Onyń aıtýynsha, aıýlar ádette eldi mekenderge azyq izdep baryp jatady.

— Qazir omartalardyń kóbi jyljymaly bolyp keledi jáne olardy aýylǵa jaqyn ornalastyryp jatady. Aıý sol bal ıisine qaraı kelýi de múmkin, — deıdi Maqsat Shakırov.

Eske salsaq, osyǵan deıin Japonııada jer silkinisinen keıin bes kıt jaǵaǵa shyǵyp qalǵany habarlanǵan.