«Aýyl» partııasynda jańa basshy saılandy
Búgin Astanada «Aýyl» halyqtyq-demokratııalyq patrıottyq partııasynyń kezekten tys XXIII sezi ótti, oǵan partııanyń barlyq jıyrma óńirlik fılıaldarynan delegattar qatysty, dep habarlaıdy Kazinform.
Sezde qaralǵan basty suraq jańa tóraǵany saılaý boldy.
«Parlament Májilisindegi «Aýyl» saıası fraktsııasynyń partııamyzdyń saılaýaldy baǵdarlamasyn iske asyrý, sondaı-aq Memleket basshysynyń depýtattar aldyna qoıǵan mindetterin oryndaý jónindegi jumysyn jandandyrý qajet, osyny eskere otyryp, Májilistiń saılanǵan depýtattary arasynan partııanyń jańa kóshbasshysy bolýy tıis dep sanaımyn», - dedi Álı Bektaev. Al ózi QR Parlamenti Senatyndaǵy jumysyna negizgi kóńil bóletinin jetkizdi.
Partııanyń jańa tóraǵasy bolyp QR Parlamenti Májilisiniń depýtaty Serik Egizbaev saılandy.
Serik Egizbaev 1963 jyly Batys Qazaqstan oblysynda dúnıege kelgen, aýyl sharýashylyǵy salasynda jáne memlekettik basqarý organdarynda praktıkalyq tájirıbesi bar.
«Aýyl» partııasy bıylǵy saılaý qorytyndysy boıynsha Parlament Májilisinde 8 depýtattyq mandatqa ıe bolǵan eldegi eń iri saıası kúshteriniń biri ekendigin atap ótken jón.
