«Aýyl» partııasy aýyl áleýetin arttyrý máselesin kóterdi
ASTANA.KAZINFORM — «Aýyl» partııasy el aýmaǵynda saılaýaldy úgit-nasıhat jumystaryn belsendi júrgizýde. Oy oraıda Batys Qazaqstan oblysynda da aýqymdy sharalar júzege asty.
Aıta keterligi, Batys Qazaqstan úshin aýyl sharýashylyǵy, ınfraqurylym, tabıǵı resýrstar jáne áleýmettik nysandardyń jaı-kúıi — ózara tyǵyz baılanysty máseleler. Óıtkeni aýyldyń turaqty damýy óndiristiń ósýimen ǵana emes, turǵyndardyń jumyspen qamtylýy, sapaly joldar men kommýnaldyq júıeler bolýy, sý men jer resýrstarynyń saqtalýy jáne bilim men medıtsınaǵa qoljetimdilikpen tikeleı baılanysty.
Atalǵan máseleler Batys Qazaqstan oblysynda «Aýyl» partııasynan QR Quryltaı depýtattyǵyna kandıdattardyń saılaýaldy kezdesýleriniń negizgi ózegine aınaldy. Serik Egizbaev, Qajǵaleı Muqatov pen Alshyn Joldyǵalı Terekti, Báıterek jáne Aqjaıyq aýdandarynda fermerler, aýyl turǵyndary, óndiris jáne áleýmettik sala ókilderimen kezdesip, óńirdiń ózekti máselelerin talqylady. Kezdesýlerde «Gúldense aýyl, gúldenedi elimiz!» atty partııanyń saılaýaldy baǵdarlamasyndaǵy basymdyqtar tanystyryldy.
Batys Qazaqstandaǵy aýyldardyń ekonomıkalyq áleýeti, eń aldymen, agroónerkásiptik keshenmen baılanysty. Sondyqtan kandıdattardyń saparynda aýyl sharýashylyǵy óndirisiniń tıimdiligin arttyrý, qaıta óńdeýdi damytý jáne aýyldaǵy jumyspen qamtý máselelerine erekshe nazar aýdaryldy.
Terekti aýdanyndaǵy Kemer aýylynda kandıdattar kartop ósirý jáne ony saqtaýmen aınalysatyn «Jaına» JShS jumysymen tanysty. Sharýashylyq eńbekkerlerimen kezdesýde ónimdilikti arttyrý, óndiristi damytý jáne jergilikti turǵyndardy jumyspen qamtý máseleleri kóterildi.
Báıterek aýdanyndaǵy ıAnaıkıno aýylynda «KazMeat Aqjaıyq» JShS mal bordaqylaý kásipornynyń jumysymen tanysý kezinde óndiristi keńeıtý, zamanaýı tehnologııalardy engizý, memlekettik qoldaý, ınvestıtsııa tartý jáne jańa jumys oryndaryn ashý máseleleri talqylandy. Al Órken jáne Şapov aýyldaryndaǵy kezdesýlerde azyq-túlik qaýipsizdigin nyǵaıtý, otandyq óndirýshilerdi qoldaý, aýyl sharýashylyǵy ónimderin óńdeý men ótkizý tetikterin jetildirý máseleleri kóterildi.
Quryltaı depýtattyǵyna kandıdat, «Aýyl» partııasy tóraǵasynyń birinshi orynbasary Serik Egizbaev aýyl sharýashylyǵyn damytý tek óndiris kólemin arttyrýmen shektelmeı, fermerlerge turaqty jaǵdaı jasaýdy, ónimdi qaıta óńdeýdi, jańa jumys oryndaryn ashýdy jáne aýyl turǵyndarynyń tabysyn arttyrýdy qamtıtynyn atap ótti. Onyń aıtýynsha, agroónerkásiptik keshendi qoldaý aýyldy damytýdyń basqa baǵyttarymen qatar júrýi tıis.
Oraldaǵy «Jaıyqjylýqýat» AQ eńbek ujymymen kezdesýde kommýnaldyq ınfraqurylymdy jańǵyrtý, qalany jylýmen qamtamasyz etý, qyzmetkerlerdiń eńbek jaǵdaıy men áleýmettik kepildikteri jáne aldaǵy jylytý maýsymyna daıyndyq máseleleri talqylandy.
Batys Qazaqstannyń turaqty damýy úshin tabıǵı resýrstardy saqtaý da erekshe mańyzǵa ıe. Kandıdattar Jaıyq ózeniniń ekologııalyq jaǵdaıymen tanysyp, sý resýrstarynyń ahýalyna nazar aýdardy. Mamandarmen kezdesýlerde Jaıyq-Kaspıı basseıni aıasynda ekologııalyq monıtorıng júrgizý, sý resýrstaryn tıimdi paıdalaný jáne óńirdiń ekologııalyq qaýipsizdigin qamtamasyz etý máseleleri qaraldy.
— Aýyl» partııasynyń saılaýaldy baǵdarlamasynda ekologııalyq máselelerge erekshe baǵyt berilgen, onyń ishinde Aqjaıyq óńiriniń máseleleri de jeke qarastyrylǵan. Ózender — bizdiń ulttyq tabıǵı qundylyqtarymyz. Sondyqtan olardy saqtap, qorǵap, qoldaýymyz qajet. Sý resýrstarynyń máseleleri «Aýyl» partııasynyń únemi nazarynda boldy. Biz bul máselelerdi árdaıym kóterip, olardy júıeli túrde sheshýge baǵyttalǵan jumystardy odan ári jalǵastyra beremiz, — dedi Serik Egizbaev.
Quryltaı depýtattyǵyna kandıdattardyń Orman sharýashylyǵy jáne janýarlar dúnıesi, balyq jáne ekologııalyq ınspektsııa ókilderimen kezdesýinde tabıǵı resýrstardy utymdy paıdalaný, jer qunarlylyǵyn saqtaý, sý únemdeý tehnologııalaryn engizý, qorǵanysh orman beldeýlerin damytý jáne aýyl sharýashylyǵy alqaptaryn qorǵaý máseleleri kóterildi.
Aýyl bolashaǵyn aıqyndaıtyn taǵy bir mańyzdy baǵyt — áleýmettik múmkindikter. Terekti aýdanyndaǵy Shaǵataı aýylynda kandıdattar turǵyndarmen kezdesti, medıtsınalyq ambýlatorııa men mektepke baryp, bilim berý men densaýlyq saqtaý salalaryna qatysty usynystardy tyńdady.
Batys Qazaqstandaǵy kezdesýlerdiń mazmuny ártúrli bolǵanymen, olardyń barlyǵy ortaq máselege kelip toǵysady: aýyldy damytý úshin bir ǵana salany alǵa shyǵarý jetkiliksiz. Óndiristiń ósýi úshin ınfraqurylym, aýyl sharýashylyǵynyń turaqtylyǵy úshin jer men sý resýrstaryn qorǵaý, al ekonomıkalyq ósimniń nátıjesi turǵyndardyń turmysynan kórinýi úshin jumys, bilim, medıtsına jáne áleýmettik qoldaý qatar júrýi kerek.
Osy baǵyttardyń barlyǵy «Aýyl» partııasynyń saılaýaldy baǵdarlamasyndaǵy negizgi basymdyqtarmen sabaqtas. Batys Qazaqstandaǵy kezdesýler osy mindetterdiń óńirdiń naqty qajettilikterimen baılanysyn kórsetip, aýyl turǵyndarynyń usynystaryn ashyq talqylaýǵa múmkindik berdi.
Tapsyrys berýshi: «Aýyl» partııasy» respýblıkalyq qoǵamdyq birlestigi
Tólendi: «Aýyl» partııasy» respýblıkalyq qoǵamdyq birlestiginiń saılaý qorynyń qarajaty esebinen.
