Aýyl men qala oqýshylary arasyndaǵy bilim alshaqtyǵy 5 balǵa qysqardy – mınıstr
ASTANA. KAZINFORM – Elimizde qala men aýyl oqýshylarynyń matematıka jáne jaratylystaný ǵylymı saýaty boıynsha alshaqtyǵy 5 balǵa qysqardy. Bul týraly Oqý-aǵartý mınıstri Juldyz Súleımenova Astanada ótip jatqan Tamyz konferentsııasynda aıtty.
– PISA nátıjelerine sáıkes, 2018 jylmen salystyrǵanda 2022 jyly qala men aýyl arasyndaǵy matematıka jáne jaratylystaný ǵylymı saýattylyq boıynsha bilim alshaqtyǵy 5 balǵa qysqardy, – dedi J. Súleımenova elordada Táýelsizdik saraıynda.
Mınıstrdiń aıtýynsha, aýyl oqýshylarynyń respýblıkalyq olımpıadalarǵa qatysý belsendiligi de artyp keledi.
– Aýyl oqýshylarynyń arnaıy respýblıkalyq olımpıadaǵa qatysýy 85 myń oqýshydan 125 myń oqýshyǵa deıin ósti. Sonymen birge 1149 aýyl oqýshysy medal ıegeri atandy, – dedi Juldyz Súleımenova.
Mektepke deıingi bilimmen qamtý respýblıka boıynsha 70%-ǵa jetse, aýyldyq jerde 86%-ǵa jetken.
– Infraqurylymdyq qoldaý aýyldaǵy oqýshy men ustazdyń kúndelikti ómirinde naqty sezilip, bilim sapasy men nátıjesine tikeleı áser etip otyr, – dedi Oqý-aǵartý mınıstri.
Buǵan deıin sala mınıstri
Aıta keteıik, elordada Prezıdent Qasym-Jomart Toqaevtyń qatysýymen pedagogterdiń Tamyz konferentsııasynyń plenarlyq otyrysy bastaldy. Oǵan elimizdiń barlyq óńirinen 600-den astam bilim salasynyń qyzmetkerleri men eńbek ardagerleri qatysyp otyr.
Qazaqstanda 2019 jyldan beri 511 jańa aýyl mektebi salynǵan.
