Aýyl men qala halqynyń qaısysy aýrýshań – mınıstrlik jaýaby
ASTANA. KAZINFORM – Densaýlyq saqtaý mınıstriniń orynbasary Tımýr Muratov aýyl men qaladaǵy aýrýshańdyq kórsetkishteri týraly pikir bildirdi.
Ortalyq kommýnıkatsııalar qyzmetinde ótken baspasóz máslıhatynda vıtse-mınıstrden aýyl men qala halqy qandaı aýrýlarǵa jıi ushyraıtynyn surady. Tımýr Muratov suraqqa jalpylama ǵana jaýap berdi.
- Jalpy aýyl men qala halqynyń aýrýshańdyǵy, naýqastaný jıiligi, aýrýshańdyq sıpatynda aıyrmashylyq joq. Bárimiz adambyz. Bárimizdiń aǵzamyz birdeı. Aýyldarda jaraqat alý kórsetkishi az ekenin senimdi túrde aıta alamyn, qaladan qaraǵanda jaraqat alý az, - dedi ol.
Onyń sózinshe, 2025 jyly áleýmettik medıtsınalyq saqtandyrý qorynan aýyldarda densaýlyq saqtaýdy damytýǵa 690 mlrd teńge bólingen.
Buǵan deıin qaıtarylǵan aktıvter qorynan 5,6 mlrd teńge Abaı oblysynda medıtsınalyq nysandar salýǵa jumsalatynyn jazǵan edik.