Aýyl mektepteriniń oqýshylaryna arnalǵan olımpıadanyń respýblıkalyq kezeńi bastaldy

ASTANA. KAZINFORM – Búgin Astana qalasynda aýyl mektepteriniń 10-11(12) synyp oqýshylaryna arnalǵan respýblıkalyq olımpıadanyń jaratylystaný-matematıkalyq baǵyty boıynsha tórtinshi (qorytyndy) kezeńi bastalady.

Dástúrli olımpıadanyń maqsaty – aýyl oqýshylarynyń daryny men qabiletin anyqtaý, ıntellektýaldyq damýyna jaǵdaı jasaý jáne mamandyq tańdaýǵa qoldaý kórsetý.

Oqý-aǵartý mınıstrligi málimetinshe, respýblıkalyq kezeń jaratylystaný-matematıkalyq baǵyttaǵy 6 pán boıynsha eki týrdan ótedi. Qorytyndy saıysqa elimiz boıynsha 475 oqýshy iriktelgen.

Aıta keteıik, byltyr bastapqy kezeńge 99 264 oqýshy qatyssa, bıyl 125 000 oqýshy tirkeldi. Bul aýyl mektepteri oqýshylarynyń zııatkerlik saıystarǵa yntasy men belsendiligi artqanyn kórsetedi.

Olımpıada qorytyndysy boıynsha qatysýshylar sanynyń 45%-nan quralatyn jeńimpazdar men júldegerler anyqtalady. Olar Oqý-aǵartý mınıstrliginiń I, II, III dárejeli dıplomdarymen marapattalady. Sonymen qatar jeńimpazdarǵa elimizdiń birqatar joǵary oqý oryndarynyń rektorlyq granttary tabystalatyn bolady.

Buǵan deıin tórtinshi synyptyń eki oqýshysy Malaızııadaǵy halyqaralyq mektep grantyn jeńip alǵanyn jazǵan edik.