Aýyl mektebinen shyqqan respýblıkalyq olımpıada júldegeri 10 ese kóbeıdi — Prezıdent
ASTANA. KAZINFORM — Aýyl mektepterinen shyqqan respýblıkalyq olımpıada júldegerleriniń sany keıingi jyldary 10 ese ósti. Memleket basshysy Qasym-Jomart Toqaev respýblıkalyq Tamyz konferentsııasynda qala men aýyl mektepteri arasyndaǵy bilim sapasy alshaqtyǵy aıtarlyqtaı azaıyp kele jatqanyn aıtty.
— Ustazdy qadirleı bilý — órkenıetti qoǵamǵa tán qasıet. Biz ult sapasyn arttyramyz desek, birinshi kezekte muǵalimderge barynsha qoldaý kórsetýimiz kerek. Bul — men úshin myzǵymas ustanym, — dep atap ótti Prezıdent elordadaǵy Táýelsizdik saraıynda.
Memleket basshysy elimizdegi bilim salasyn damytý úshin kóp jumys atqarylǵanyn, onyń naqty nátıjeleri de bar ekenin jetkizdi.
— Byltyr oqýshylarymyz 30-dan astam bedeldi halyqaralyq olımpıada men ǵylymı jobaǵa qatysyp, myńnan astam medal jeńip aldy. Aýyl mektebinen shyqqan respýblıkalyq olımpıada júldegeriniń sany 10 ese ulǵaıdy. Osylaısha, qala men aýyl mektebindegi bilim sapasynyń alshaqtyǵy aıtarlyqtaı azaıyp keledi. Alaıda arqany keńge salýǵa áli erte, aldymyzda kóp jumys bar, ony tıimdi atqarýymyz qajet, — dedi Qasym-Jomart Toqaev.
Buǵan deıin Prezıdent elimizdegi mektep qurylysyn jandandyrýdy tapsyrǵan edi.
Qazaqstan muǵalimder bedelin nyǵaıtý boıynsha álemde ekinshi orynda tur .
