«Aýyl — el besigi»: Pavlodarda 15 aýyl jańarady

PAVLODAR. KAZINFORM — Óńir boıynsha «Aýyl — es besigi» baǵdarlamasyn ómirsheń etýge 9,1 mlrd teńge bólingen. Bul qarjy 56 jobany júzege asyrýǵa jetkilikti.

Bul týraly oblystyq ekonomıka jáne bıýdjettik josparlaý basqarmasynyń basshysy Irına Nazarchýk habarlady

— «Aýyl — el besigi» jobasy sheńberinde halyq sany 21 myń adamnan asatyn 15 aýyldy jańǵyrtý josparlanǵan. Jalpy quny 9,1 mlrd teńge bolatyn 56 joba júzege asyrylyp jatyr, olardyń 12-si aıaqtaldy. Taǵy 15-i aıaqtalý kezeńinde, — deıdi basqarma basshysy.

Buǵan qosa óńirde «Jaıly mektep» jáne «Aýyldyq densaýlyq saqtaýdy modernızatsııalaý» sııaqty ulttyq jobalarǵa basa nazar aýdarylǵan. Bıyl jalpy somasy 7,7 mlrd teńge bolatyn 200-den astam jobany júzege asyrý josparda tur. Naqtyraq aıtqanda, balalar jáne sport alańdaryn ornatý, kósheni jaryqtandyrý, jylý jáne sýmen qamtý nysandaryn rekonstrýktsııalaý, saıabaqtar men aýlalardy abattandyrýǵa baǵyttalady.

Eske sala keteıik, demeýshiler pavlodarlyq jedel járdemge 45 mln teńge turatyn ınkýbator satyp áperdi.