«Aýyl — el besigi»: bes jylda Pavlodarda 119 aýyl jańǵyrtyldy

PAVLODAR. KAZINFORM — Bıyl Ertis-Baıan óńirindegi 22 aýyldyq eldi mekendi damytýǵa 9,7 mlrd teńge qarastyrylǵan. 

«Aýyl — el besigi» jobasyn iske asyrý bastalǵannan beri oblysta barlyǵy 119 aýyl jańǵyrtylyp, óńirdiń 164 myńnan astam turǵyny úshin ómir súrý sapasy artqan.

— 2025 jyly 22 aýyldyq eldi mekendi jańǵyrtýǵa 9,7 mlrd teńge bólindi. 45 joba iske asyrylyp jatyr, onyń ishinde alty dene shynyqtyrý-saýyqtyrý keshenin, eki basseın, eki mádenıet nysanyn salý, sondaı-aq úsh aýylda kóshe jaryǵyn ornatý bar. 14 áleýmettik nysandy kúrdeli jóndeý, 48 shaqyrym joldy jańartý josparlanǵan. 2026 jylǵa arnalǵan jobalaý-smetalyq qujattamalardy ázirleýdi aıaqtaý jáne ınfraqurylymdyq ózgeristerge muqtaj qalǵan eldi mekenderdi qamtý boıynsha jumystar jandanyp jatyr, — dep habarlady óńir ákimdiginen.

Eske sala keteıik, Pavlodar oblysynda 16 aýyl ishimdikten bas tartty.