Aýyl balasy men qala balasynyń bilim alý múmkindigi birdeı bolýy kerek – Toqaev
ASTANA. KAZINFORM – Aýyl balasy men qala balasynyń bilim alý múmkindigi de birdeı bolýy kerek. Bul týraly elordada ótip jatqan ustazdardyń respýblıkalyq tamyz konferentsııasynda Memleket basshysy Qasym-Jomart Toqaev aıtty.
– Keıingi tórt jylda 4 myńnan astam aýyl mektebiniń materıaldyq-tehnıkalyq qory jańǵyrtyldy. Onyń basym kópshiligi – aýyl mektepteri. Aýyldaǵy bilim oshaqtaryna kúrdeli jóndeý júrgizilip, jańadan kitaphanalar, ashanalar men sport zaldary salynyp jatyr. Bul jumys aldaǵy ýaqytta da jalǵasyn tabady. Balanyń bári – birdeı. Aýyl balasy men qala balasynyń bilim alý múmkindigi de birdeı bolýy kerek. «Keleshek mektepteri» jobasynyń negizgi maqsaty da – osy, - dedi Qasym-Jomart Toqaev.
Memleket basshysynyń paıymynsha, muǵalimder memlekettik mańyzy bar jumysty atqaryp jatyr.
Degenmen ustazdyń nazary bala oqytý isinde bolýǵa tıis.