Aýyl balalary sheteldik JOO-larda oqýǵa qyzyǵýshylyq tanytty
ASTANA. KAZINFORM — Ǵylym jáne joǵary bilim mınıstrligi Túrkistan, Qyzylorda oblystarynyń mektep bitirýshi túlekterine elimizdiń joǵary oqý oryndary boıynsha aqparattyq túsindirý jumysyn júrgizdi.
Talapkerlerge arnalǵan kórmede joǵary oqý oryndarynyń bilim baǵdarlamalary usynylyp, «Serpin» baǵdarlamasy, aýyl kvotasy, basqa da baǵdarlamalar túsindirildi.
Kóshpeli kórmege sheteldik JOO fılıaldary da qatysyp, ózderiniń bilim baǵdarlamalaryn tanystyrdy.
Kóptegen talapkerler joǵary oqý oryndaryna túsý boıynsha suraqtar qoıdy.
Sol jerde balalar aǵylshyn tilinde suraq qoıyp, sheteldik JOO fılıaldarynyń ókilderin tań qaldyrdy.
Olar sheteldik baǵdarlama boıynsha oqý, aǵylshyn tilinde bilim alý múmkindigi erekshe qyzyqtyrǵanyn aıtty.
Joǵary bilim kórmesiniń maqsaty — talapkerler men ata-analarǵa joǵary oqý oryndary men kolledjderge jáne oqýǵa túsý sharttarymen tanystyrý, mamandyqtar týraly tolyq aqparat berý.
