Aýyl ákimderin saılaý barynsha ashyq ótýi tıis - Zarema Shaýkenova

Aýyl ákimderin tikeleı saılaý Qazaqstandaǵy jergilikti ózin-ózi basqarý ınstıtýttaryn damytý jolyndaǵy zańdy qadam boldy. Mundaı pikirdi Ulttyq ǵylym akademııasynyń akademıgi, áleýmettaný ǵylymdarynyń doktory, professor Zarema Shaýkenova bildirdi, dep habarlaıdy Kazinform.

«Aýyl ákimderin tikeleı saılaý Qazaqstandaǵy jergilikti ózin-ózi basqarý ınstıtýttaryn damytý jolyndaǵy zańdy qadam boldy. Jergilikti ózin-ózi basqarý bıýdjetiniń kiris kózderin bıýdjettiń IV deńgeıine ulǵaıtý úshin Ulttyq ekonomıka mınıstrligi salyqtar men tólemderdiń qosymsha 4 túrin berdi - bul biryńǵaı jer salyǵy, ýchaskelerdi jalǵa alý, paıdalaný nemese satý úshin tólem. Osylaısha, aýyl ákimderi jergilikti bıýdjetti bólýdiń jekelegen máseleleri boıynsha basqarýshylyq qana emes, qarjylyq derbestikke ıe boldy. Bul ákimderdiń aýyldaǵy sýmen jabdyqtaý, joldardy kútip ustaý, abattandyrý sııaqty birqatar ómirlik mańyzdy másele boıynsha sheshimder qabyldaýdaǵy qyzmetiniń tıimdiligin arttyrý úshin jasaldy. Bul rette saılanǵan ákimderdiń saılaýshylar aldyndaǵy jaýapkershiligi jeke ýájdemeniń basty faktoryna jáne olardyń qyzmetiniń tıimdiligin arttyrýdyń úlken úmitine aınalady», - dedi Zarema Sháýkenova agenttik tilshisine bergen suhbatynda. 

Onyń atap ótýinshe, eń bastysy, saılaý barynsha ashyq ótýi tıis. Óıtkeni, búginde halyq saılaıtyn ákimder ýádelerin oryndaý úshin tikeleı saılaýshylarǵa jaýap beredi jáne esep beredi. Ákimder saılaýyn ótkizý - bul qoǵamnyń azamattyń saılaý jáne saılaný quqyǵy sııaqty negizgi faktorǵa senimin arttyrý jolyndaǵy eń mańyzdy qadam. Óıtkeni, saılaý qoǵamdy qazirgi zamanǵy demokratııalandyrýdyń mańyzdy ınstıtýty sanalady. 

«Jalpy, senim qoǵamdaǵy negizgi ustanymdar boıynsha normatıvtik kelisim nemese ymyra degendi bildiredi. Qoǵamdaǵy senimniń taralý salasy turaqtylyq, yntymaqtastyq, qoǵamdyq isterge arasý jáne qatysý dárejesin kórsetedi», - dedi ǵalym.