Aýǵanstannyń jańa prezıdenti alǵashqy shetel saparyn Qytaıdan bastamaq
ASTANA. QazAqparat - Qytaı Halyq Respýblıkasynyń Tóraǵasy Sı Tszınpınniń shaqyrtýymen Aýǵanstan Prezıdenti Ashraf Ǵanı Ahmadzaı 28 qazan men 31 qazan aralyǵynda Qytaıǵa jumys saparymen barady, dep habarlady Sınhýa agenttigi QHR-diń Syrtqy ister mınıstrligine silteme jasaı otyryp.
Bul - Aýǵanstan basshysynyń prezıdent qyzmetine kiriskennen bergi birinshi shetel sapary. QHR Syrtqy ister mınıstrliginiń habarlaýynsha, sapar barysynda eki el basshylary ekijaqty qarym-qatynas týraly sóılesedi. «Jańa basshy, jańa úkimet jasaqtalǵan Aýǵanstanǵa tynyshtyq ornaýy úshin Qytaı úkimeti aıanbaı kómek kórsetedi», - dedi QHR SІM-niń arnaıy ókili Hýa Chýnın.
