Aýǵanstannyń jańa astanasynyń qurylysy 80 mlrd. dollarǵa baǵalanyp otyr
ASTANA. QazAqparat - Aýǵanstan zamanaýı astana - Jańa Kabýl salýǵa daıyndalyp jatyr. Jobany júzege asyrý 80 mlrd. dollarǵa túspek, dep habarlaıdy Aýǵan telegraftyq agenttigi (AfTAG).
Jańa Kabýl qazirgi astana aýmaǵyndaǵy Hadjı-Ravash áýejaıy men Bagram aerodromy aralyǵynda, AQSh áskerı bazasy ornalasqan jerde turǵyzylady.
Úkimettik emes Kabul New City Development uıymynyń tóraǵasy Elham Omar Hotakıdiń habarlaýynsha, kompanııa alǵashqy 55 turǵyn úıdi salýǵa baılanysty qurylys fırmalarymen bes kelisimge qol qoıǵan. Jospar boıynsha jańa qalanyń aýmaǵy qazirgiden eki ese kóp jáne 740 sharshy shaqyrymǵa jetedi. Bul aýmaqqa 600 myń úı sııady. Hotakıdiń sózine qaraǵanda, qurylysshylar jumysqa kirisý úshin tek prezıdenttiń kelisimin ǵana kútip otyr.
Jańa Kabýl 15 jyldyń ishinde turǵyzylmaq jáne bul qalada 2,5 mln. adam turatyn bolady.
Jobany júzege asyrýǵa ketetin qarjy 80 mlrd. dollardy quraıdy. Al eldiń bıýdjeti aldaǵy jyly shamamen 7,9 mlrd. dollar bolmaq.
