Aýǵanstannyń Tájikstanmen shekaradaǵy provıntsııasyn tálibter basyp aldy

KABÝL. QazAqparat – Jeksenbi kúni «Talıban» qozǵalysy Tájikstanmen shekarada ornalasqan Tahar provıntsııasynyń ákimshilik ortalyǵy – Talýkan qalasyn basyp alǵandyǵy jóninde málimdedi. QazAqparat bul týraly «Anadoly» agenttigine silteme jasap habarlaıdy.

Agenttikke Tahar provıntsııasynyń zańnamalyq organy tóraǵasynyń orynbasary Rýholla Raýfı málim etkendeı, qaýipsizdik kúshteriniń qyzmetkerleri men jergilikti bılik ókilderi Farhar ýezine kóshken. Onyń aıtýynsha, tálibter barlyq qoǵamdyq oryndarǵa basa kóktep kirgen. Sondaı-aq jergilikti túrmeden sottalǵandardy bosatqan.

R.Raýfıdiń sózinshe, sodyrlar Talýkanǵa shabýyl jasaı bastaǵanyna eki aptaǵa jýyqtaǵan.

«Talıban» qozǵalysynyń málimetine sáıkes, olar Talýkandaǵy barlyq qoǵamdyq ǵımaratty óz qaramaǵyna alǵan. Osylaısha, «Talıban» basyp alǵan Aýǵan provıntsııalarynyń ákimshilik ortalyqtarynyń sany 5-ke jetti. Buǵan deıin «Talıban» Sarı-Pýl jáne Kýndýz provıntsııalarynyń ákimshilik ortalyqtaryn basyp alǵan bolatyn. Al bir kún buryn tálibter eldiń soltústigindegi Djýzkan provıntsııasynyń astanasy – Shıbırgan qalasyna kirdi.

«Talıban» qozǵalysy Aýǵanstan aýmaǵynyń 80 paıyzyn baqylaýǵa alǵanyn aıtýda.

BUU málimetinshe, sońǵy bir aıda tálibterdiń shabýyly saldarynan Aýǵanstannyń 1 myńnan astam beıbit halqy qaza boldy.