Aýǵanstannyń soltústiginde qaza tapqan on sheteldik dárigerdiń denesi tabyldy
ASTANA. Tamyzdyń 9-y. QazAqparat - Aýǵanstan ókimeti halyqaralyq medıtsınalyq gýmanıtarlyq mıssııanyń on qyzmetkeriniń qaza bolý sebebin tekserip jatyr, dep habarlaıdy «Maıak» radıostansasy.
Ótken aptada halyqaralyq gýmanıtarlyq mıssııanyń alty amerıkandyq, bir brıtandyq, bir germanııalyq jáne eki aýǵandyq qyzmetkeri qaza tapqanyn buqaralyq aqparat quraldary habarlaǵan bolatyn. Olardyń qatarynda úsh áıel azamat, sondaı-aq Aýǵanstanda 30 jyldaı jumys istep kelgen amerıkandyq dáriger bar.
Dárigerler Badahshan provıntsııasynda tálibterdiń shabýyly kezinde óltirilgen. Tálibter olarǵa AQSh-tyń paıdasy úshin tyńshylyq jasap júr jáne mıssıonerlik qyzmetpen aınalysyp kelgen degen aıyptar taqqan.
Dárigerler ózderin úkimettik emes hrıstıandyq uıymbyz dep ataıtyn jáne Aýǵanstanda 1960 jyldyń ortasynan beri jumys istep kele jatqan Halyqaralyq kómek kórsetý mıssııasynda qyzmet etken.
