Aýǵanstannyń soltústiginde 27 bala úsip óldi
ASTANA. QazAqparat - Ótken eki kúnde Aýǵanstannyń soltústigindegi Djaýzdjan provıntsııasy Darzab aýdanynda qar men aıaz saldarynan 27 bala úsip óldi. Bul týraly aýdannyń basshysy Rahmatýllah Hashar málim etti, dep habarlaıdy Sınhýa.
«Darzab aýdanynda aýyldar men medıtsınalyq ortalyqtardy baılanystyratyn joldardyń qalyń qar túsýi saldarynan jabylýyna baılanysty jazyqsyz 27 bala kóz jumdy», - dedi Hashar.
Eldiń keıbir aýdandaryndaǵy jaýǵan qardyń bıiktigi 50 sm-den asqan, al bul óz kezeginde aýyldar arasyndaǵy qozǵalysqa qıyndyq týǵyzyp otyr.
