Aýǵanstannyń shekarany zańsyz kesip ótpek bolǵan 10 azamaty ustaldy

ORAL. QazAqparat - BQO polıtseıleri Aýǵanstan Respýblıkasynyń 10 azamatyn qolǵa túsirdi, dep habarlaıdy QazAqparat.

ІІM málimetinshe, 24 tymyz kúni «Ýchaske» jedel-proflıkalyq is-sharasyn ótkizý barysynda Bórli aýdandyq polıtsııa qyzmetkerleri UQK shekara qyzmetiniń qyzmetkerlerimen birlese otyryp Qazaqstan Respýblıkasynyń memlekettik shekarasynan zańsyz ótpekshi bolǵan Aýǵan Respýblıkasynyń 10 azamatyn qolǵa túsirdi.

«Boljamdy málimetterge súıensek, olar Eýroodaq elderine baǵyt alǵan.

Ustalǵan azamattarǵa qatysty QR ÁQBtK-niń 514-baby boıynsha ákimshilik hattama toltyryldy. Keıin jınaqtalǵan materıaldar ári qaraı sheshim shyǵarý úshin Bórli aýdandyq sotyna joldanatyn bolady», - dep jazdy vedomstvodan.