Aýǵanstannyń ońtústigindegi jol-kólik apatynda 35 adam qaza tapty
ASTANA. 20 tamyz. QazAqparat - Aýǵanstanda jol-kólik apaty saldarynan keminde 35 adam qaza tapty, dep habarlady RosBıznesKonsaltıng.
Polıtsııa ókilderiniń habarlaýynsha, oqıǵa eldiń ońtústiginde bolǵan, Qandaǵar ýáláıatynda Dand aýdanynda jolaýshylar avtobýsy aýdaryldy. Olardyń aıtýynsha, onyń ishinde balalar men áıelder bolǵan. Avtobýs Kabýldan Qandaǵarǵa bet alǵan, alaıda taýly jolda basqarýdan aıyrylyp, aýdarylǵan, dep habarlady Associated Press.
Quqyq qorǵaý organdary qyzmetkerleriniń aqparatyna qaraǵanda, taǵy 26 adam jaraqat alǵan. Olardyń keıbireýleri aýyr halde, sondyqtan da dárigerler qurbandar sany artýy múmkin degendi aıtady. Jol-kólik apatynyń sebebi ázirge belgisiz. Tergeý amaldary júrgizilýde.
