Aýǵanstannyń Qundyz qalasyndaǵy aýrýhanada bolǵan atys qurbandarynyń sany 30-ǵa jetti
ASTANA. QazAqparat - Aýǵanstannyń soltústigindegi Qundyz qalasynda «Shekarasyz dárigerler» uıymy gospıtalinde bolǵan atys saldarynan qaza tapqandar sany 30 adamǵa jetti. Bul týraly gýmanıtarlyq uıym habarlady.
«Resmı derekterge sáıkes, 23 qazanda uıymnyń qaza tapqan qyzmetkerleriniń sany 13 adam bolǵan. Taǵy bireýi keıin qaza tapty. Sonymen birge, 10 naýqas kóz jumyp, taǵy ekeýi qaza bolǵandar qatarynda. Qıraǵan aýrýhanda tabylǵan taǵy jeti marqumnyń aty-jóni anyqtalýda. Ókinishke oraı, bul sońǵy qurbandar emes», - dep habarlady RIA Novostı «Shekarasyz dárigerler» uımynyń baspasóz qyzmetine silteme jasap.
