Aýǵanstannyń qaýipsizdik kúshteri prezıdenttik saılaý kezine josparlanǵan birneshe lańkestik árekettiń aldyn aldy
ASTANA. QazAqparat - Aýǵanstannyń qaýipsizdik kúshteri eldiń ońtústigindegi Gılmend ólkesinde jankeshtilerdiń qatysýymen oryn almaq bolǵan birneshe lańkestik árekettiń aldyn aldy. "Haama-press" agenttiginiń habarlaýynsha, sońǵy 24 saǵattyń ishinde 11 sodyr tutqyndaldy.
Respýblıka qorǵanys mınıstrligi ókiliniń sózine qaraǵanda, úkimettik ásker júrgizgen lańkestikke qarsy operatsııa barysynda «Talıban» qozǵalysynyń jankeshtiler toby anyqtalǵan. Olar qaskúnemdik áreketterge daıyndalyp, 5 sáýir kúni ótetin prezıdenttik jáne mýnıtsıpaldy saılaý kezinde lańkestik qadamdarǵa barmaq bolǵan.
Áskerı reıd kezinde qarý-jaraq pen jarylǵysh zattar qoımasy da tabylyp otyr.
Aıta keterligi, búgin túnde Gılmend ólkesiniń Garmsır aýdanynda ekstremısterdiń tosqaýylyna túsip alǵan eki polıtsııa qyzmetkeri qaza tapqan. Osydan keıin ile-shala alty sodyr qolǵa tústi.
