Aýǵanstannyń Gerat provıntsııasyna 4 mln dollar ınvestıtsııa tartyldy

NUR-SULTAN. QazAqparat – Aýǵanstannyń ónerkásiptik Gerat qalasynda jalpy quny 4 mıllıon dollardy quraıtyn ottegi jáne maqta zaýyttary ashyldy, dep habarlaıdy QazAqparat Ariana News basylymyna silteme jasap.

Bul Aýǵanstan Islam ámirliginiń resmı tulǵalary ınvestorlardy el ishinde de, odan tys jerlerde de bıznes ashýǵa shaqyrǵannan keıin boldy.

Saýda jáne ónerkásip mınıstriniń mindetin atqarýshy Nýrýddın Azızı elde isker toptar úshin qajetti jaǵdaı jasalǵanyn habarlady.

Gerattyń ónerkásiptik jáne taý-ken palatasynyń basshysy Hamıdýlla Hadem maqta zaýytynyń quny - shamamen 1,5 mıllıon dollar, al ottegi kompanııasy - shamamen 2,5 mıllıon dollar ekenin aıtty.

Sońǵy tórt aıda Gerat provıntsııasyndaǵy zaýyttardyń 20% jumysyn qaıta bastady.

Olarǵa keden jáne logıstıka salasynda qajetti jaǵdaı jasaldy. Qazirgi ýaqytta qalada 200-ge jýyq fabrıka bar.