Aýǵanstannyń eleýsiz buryshtarynda demokratııa bulqynyp oıana bastady - Aýǵanstan prezıdentiniń keńesshisi M.ıA.Marýfı
ASTANA. 25 sáýir. QazAqparat - Aýǵanstannyń eleýsiz buryshtarynda demokratııa bulqynyp oıana bastady. Búgin Astanada ótip jatqan Eýrazııa medıa forýmy barysynda sóz sóılegen Aýǵanstan prezıdentiniń keńesshisi Muhammad ıAhııa Marýfı osylaı málimdedi.
Aýǵan basshysynyń keńesshisi sóz arasynda AQSh pen Aýǵanstan yntymaqtastyǵynyń oń tustaryna da toqtalyp ótti. Onyń aıtýyna qaraǵanda, sońǵy jyldary Aýǵanstanda oryn alǵannyń bári múddeler almasýy bolyp tabylady.
«Meniń oıymsha, 11 qyrkúıek oqıǵasy, 30-dan astam jyldarǵa sozylǵan daǵdarys, sondaı-aq «Talıban» men «Ál-Kaıdanyń» paıda bolýy - bunyń barlyǵy AQSh pen Aýǵanstandy biriktirdi. Eki el terrorızmmen kúres maqsatynda bir baǵytta jumys isteı bastady», - deıdi Muhammad ıAhııa Marýfı. Onyń aıtýynsha, demokratııa bir túnniń ishinde týmaıdy, alaıda bul Aýǵanstannyń eleýsiz buryshtarynda birtindep bulqynyp oıana bastady. «Aýǵanstannyń keleshek turaqtylyǵy týraly aıtqanda biz eń birinshi osy maqsatqa qol jetkizýge tıispiz», - dedi M.ıA. Marýfı.
