Aýǵanstannyń eks-prezıdentiniń óltirilýi - búkil aýǵan halqyna shabýyl - NATO Bas hatshysy
ıÝSSELЬ. 21 qyrkúıek. QazAqparat /Dımash Syzdyqov/ - NATO Bas hatshysy Anders Fog Rasmýssen sońǵy kezderi Beıbitshilik joǵary keńesin basqarǵan Aýǵanstannyń burynǵy prezıdenti Býrhanıddın Rabbanıdiń óltirilýin aıyptady, dep habarlady Soltústikatlantıkalyq alıanstyń baspasóz qyzmeti.
«Bul búkil aýǵan halqyna qarsy shabýyl, óıtkeni olar eldegi qaýipsizdikke jaýapkershilikti óz qolyna ala bastady. NATO atynan beıbitshilikke jáne mámilelesýge umtylyp, qaza bolǵan jáne jaraqattanǵan erjúrek aýǵandyqtardyń otbasylary men dostaryna shyn júrekten kóńil aıtamyn. Men osy jyldyń basynda Kabýlda ózim júzbe-júz kezdesken doktor Rabbanıdiń Aýǵanstannyń bolashaǵy úshin ómirlik mańyzdy másele - beıbitshilikke jáne mámilelesýge umtylǵan zor qajyr-qaıraty úshin erekshe alǵysymdy bildiremin», - dedi A.Rasmýssen.
Soltústikatlantıkalyq alıans basshysy Aýǵanstandaǵy qaýipsizdik úshin jaýapkershilikti jergilikti qaýipsizdik kúshterine berý jónindegi bastalǵan úderisti toqtatqysy keletinderdiń is-áreketiniń bolashaǵy joq dep málimdedi.
Budan buryn QazAqparat habarlaǵandaı, seısenbi kúni B.Rabbanıdiń úıinde «Talıban» qozǵalysy ókilderimen kezdesý kezinde jaralys bolǵan, onyń saldarynan Aýǵanstannyń eks-prezıdenti qaza boldy. B.Rabbanıdiń úıinde kelissózderge qatysqan Aýǵanstan prezıdentiniń bas keńesshisi Masým Stanekzaı bloǵan. Lańkestik saldarynan ol aýyr jaraqattandy. Polıtsııanyń boljamyna qaraǵanda, jarylys qurylǵysyn jankeshti-lańkes iske qosqan. Ol saıasatkermen kezdesýge bombany ózine jasyryp ákelgen.
