Aýǵanstannyń búgingi jaǵdaıy uıym qaýipsizdigine qaýip tóndirip otyr - depýtat Á.Ahmetov
STANA. Naýryzdyń 3-i. QazAqparat /Arman Asqarov/ - Aýǵanstannyń qazirgi jaǵdaıy uıym qaýipsizdigine qaýip tóndirip otyr.
Sondyqtan onyń máselesi Eýropadaǵy qaýipsizdik pen yntymaqtastyq uıymynyń kezekti sammıtinde ózekti máselelerdiń biri retinde qaralady. Búgin Lev Gýmılev atyndaǵy Eýrazııa ulttyq ýnıversıtetinde ótip jatqan «Qazaqstannyń EQYU-daǵy tóraǵalyǵy: «tórt T» ustanymy» taqyrybynda halyqaralyq ǵylymı-tájirıbelik konferentsııada jýrnalısterge suhbat bergen QR Senat Májilisiniń depýtaty Ádil Ahmetov osylaı aıtty, dep habarlaıdy QazAqparat.
Halyq qalaýlysy habarlaǵandaı, búgingi tańda Aýǵanstandaǵy soǵysqa 56 eldiń 43-i qatysyp otyr. Bireýler áskermen kómektesip jatsa, ekinshiler gýmanıtarlyq kómek usynýda. «Biraq ol soǵystyń tolastaıtyn túri joq. Jaqynda AQSh taǵy da 30 myń áskerin jiberdi. Ashyǵyn aıtsaq, aýǵan jerinen shyǵatyn 99 paıyz esirtkimen kúres jolynda qanshama ýaqyt ótti. Degenmen, áli kúnge deıin esirtki shyǵaratyn oshaqtar joıylǵan joq. Sonda bul soǵys ne úshin júrgizilip jatyr? Aýǵan halqyn qorǵaý úshin be? Joq, álde esirtki oshaqtaryn qyzǵyshtaı qorǵaý úshin be? Bul - úlken másele. Sondyqtan osy Aýǵanstan máselesi aldaǵy ýaqytta ótetin EQYU-nyń sammıtinde ózekti taqyryptardyń biri retinde qaralady. Biz bilemiz, Aýǵanstan uıymǵa múshe emes. Biraq onyń qazirgi jaǵdaıy uıym qaýipsizdigine qaýip tóndirip otyr», - deıdi Á.Ahmetov.
Aıta keteıik, EQYU-nyń sońǵy sammıti 1999 jyly bolǵan. Bıyl Elbasy Nursultan Nazarbaev uıymnyń kezekti sammıtin Astanada ótkizýge usynys jasady.
