Aýǵanstannyń 1,6 mıllıard bereshegin keshetin boldy
ASTANA. Qańtardy 27-si. QazAqparat - Halyqaralyq valıýta qory men Dúnıejúzilik bank Aýǵanstannyń 1,6 mıllıard dollar bereshegin keshý týraly sheshimdi maquldaıdy.
Halyqaralyq qarjylyq uıymdardyń basshylary, boryshy kóp kedeı elderge kómektesýge baǵyttalǵan halyqaralyq bastamalardyń ózinde júzege asyrylýyna qajetti barlyq sharalardy Aýǵanstannyń oryndaǵanyn málim etip otyr, dep habarlaıdy «Azattyq» radıosy.
Bereshekterdiń basym bóligi osynaý bastamanyń aıasynda keshilse, 260 mıllıon dollary Parıj kredıtorlar klýbynyń «úlesi».
Beısenbi, qańtardyń 28-inde Londonda Aýǵanstan boıynsha halyqaralyq konferentsııa ótip, onda ol elge áskerı jáne ekonomıkalyq turǵydan kómektesý máseleleri talqylanatyn bolady.
