Aýǵanstannyń soltústik-shyǵysynda 5,4 baldyq jer silkinisi boldy

KABÝL. KAZINFORM – Jer silkinisiniń oshaǵy Badahshan provıntsııasynyń Ishkashym aımaǵynda boldy, dep jazady Anadoly.

Aýǵanstannyń soltústik-shyǵysyndaǵy Badahshan provıntsııasynda magnıtýdasy 5,4 bolatyn jer silkinisi boldy.

AQSh Geologııalyq qyzmetiniń málimetinshe, jerasty dúmpýleri jergilikti ýaqyt boıynsha 10.26-da tirkelgen. Jer silkinisiniń oshaǵy Ishkashym aýdanynda, oshaǵy 224 shaqyrym tereńdikte bolǵan.

Jer silkinisi saldarynan bolǵan shyǵyn týraly aqparat áli túsken joq.

Jer silkinisi Kabýlda, Aýǵanstannyń soltústik provıntsııalarynda jáne kórshiles Tájikstan men Pákistanda da sezildi.

Gındýkýsh taý jotalarynda ornalasqan Badahshan provıntsııasynda jer silkinisi jıi bolyp turady.