Aýǵanstannyń shyǵysyndaǵy sý tasqynynan 35 adam qaza tapty

ASTANA. KAZINFORM—Dúısenbi kúni tústen keıin Aýǵanstannyń shyǵysyndaǵy Nangarhar provıntsııasyna jaýǵan nóser men sý tasqyny saldarynan kem degende 35 adam qaza taýyp, taǵy 250 adam jaraqat aldy. Bul týraly Óńirlik aqparat jáne mádenıet vedomstvosynyń basshysy Kýrıshı Badlon habarlady, dep jazady Sınhýa.

Onyń aıtýynsha, tabıǵı apat provıntsııanyń ákimshilik ortalyǵyna, Jelalabad qalasy, Sýrhrýd okrýgi jáne basqa da kórshiles aýdandarǵa áser etti.

Qurban bolǵandar sany áli de artýy múmkin.

Osyǵan uqsas tabıǵı apat birneshe saǵat buryn Nangarharmen kórshiles Kýnar provıntsııasynda bes adamnyń ómirin qıdy.

Mamyr aıynan bastap Aýǵanstandaǵy nóser jańbyr men sý tasqyny 400-den astam adamnyń ólimine ákelip soqtyrdy jáne taǵy myńdaǵan adam baspanasynan aıyryldy.