Aýǵanstannyń ınklıýzıvti damýy aımaqtaǵy uzaq merzimdi beıbitshilikti qamtamasyz etýdiń kepili — Prezıdent
NЬıÝ-IORK. KAZINFORM — Qazaqstan Aýǵanstannyń ınklıýzıvti damýyn aımaqtaǵy uzaq merzimdi beıbitshilik pen turaqtylyqty qamtamasyz etýdiń kepili dep sanaıdy. Bul týraly BUU Bas Assambleıasy 80-sessııasynyń Jalpy debatynda Memleket basshysy Qasym-Jomart Toqaev aıtty.
— Elimiz Ornyqty damý maqsattaryn ulttyq kún tártibindegi basymdyqtardyń biri retinde aıqyndady. Ondaǵy mindetter memlekettik josparlaýda jáne bıýdjet jobasyn ázirlegende eskeriledi. BUU Bas hatshysy men Uıymǵa múshe memleketterdiń qoldaýynyń arqasynda Almatyda BUU-nyń Ortalyq Azııa men Aýǵanstan úshin Ornyqty damý maqsattary jónindegi óńirlik ortalyǵy ashyldy. Búginde Ortalyq Azııanyń birligi men ózara senimi jańasha sıpat alyp, óńir halyqaralyq beıbitshilik pen progrestiń belsendi qatysýshysyna aınaldy, — dedi Qasym-Jomart Toqaev.
Prezıdent «Ortalyq Azııa bestigi» yntymaqtastyǵy nyǵaıyp kele jatqanyn atap ótti.
— Sol arqyly tatý kórshilik damýǵa da, qaýipsizdikti kúsheıtýge de oń septigin tıgizetinin dáleldep otyr. Sonyń arqasynda bizdiń óńir álemdegi negizgi seriktesterimen «Ortalyq Azııa plıýs» formatynda dıalog júrgize bastady. Qazaqstan Aýǵanstannyń ınklıýzıvti damýyn aımaqtaǵy uzaq merzimdi beıbitshilik pen turaqtylyqty qamtamasyz etýdiń kepili dep sanaıdy. Biz aýǵan halqyna gýmanıtarlyq kómek kórsetip, saýda, azyq-túlik qaýipsizdigi, ınfraqurylym jáne kólik tasymaly salalaryndaǵy yqpaldastyǵymyzdy jalǵastyra beremiz, — dedi Memleket basshysy.
Qasym-Jomart Toqaev Jalpy depat barysynda BUU-ny jańǵyrtýdy kózdeıtin batyl áreket Qaýipsizdik keńesin reformalaýdan bastalýy tıistigine de basa nazar aýdartty.