Aýǵanstannan jetkiziletin geroın Qazaqstandaǵy esirtki ahýalyn ýshyqtyryp tur - Kúsetov
ASTANA. QazAqparat - Aýǵanstannan jetkiziletin geroın Qazaqstandaǵy esirtki ahýalyn ýshyqtyryp tur. Bul týraly búgin ShYU-ǵa múshe memleketterdiń esirtki aınalymyna qarsy kúres jónindegi ókilettilik berilgen quziretti organdary basshylarynyń kezekti keńesinde QR Іshki ister mınıstrligi Esirtki bıznesimen kúres departamentiniń bastyǵy Sultan Kúsetov málim etti, dep habarlaıdy QazAqparat.
«2016 jyly ǵana Qyrǵyzstannyń quqyq qorǵaý organdarymen birlesip «baqylaýdaǵy jetkizilim» ádisi boıynsha 5 operatsııa, 2015 jyly Reseı Іshki ister mınıstrligimen birlesip 1 «baqylaýdaǵy jetkizilim» operatsııasyn ótkizdik. Geroın trafıgi baǵdarynyń Balqan baǵytyna qaraı beıimdelý tendentsııasy jalǵasyp otyrǵanyna qaramastan Qazaqstandaǵy esirtki ahýalynyń damı túsýine Aýǵanstannan jetkiziletin esirtki negizgi faktor bolyp otyr», - dedi Kúsetov.
Onyń atap ótýinshe, osyǵan baılanysty Qazaqstan aýmaǵy arqyly aýǵan geroıni tranzıtiniń negizgi arnalarynyń jolyn kesý basymdyqty baǵyt bolyp otyr.
«Aıta keterligi, Qazaqstan ońtústik shekarany nyǵaıtýda teńdessiz sharalar qabyldap, memlekettik shekara, sonymen birge onyń perımetri arqyly ótkizý beketterindegi baqylaý qorǵaý júıelerin kúsheıtip, zamanaýı tekserý qural-jabdyqtarymen qamtamasyz etti», - dedi ol.
