Aýǵanstannan Shymkentke kóship kelgen boıjetken volonter bolyp júr
Halıda 2000 jyly, Aýǵanstan Islam Respýblıkasynyń Mazarı-Sharıf qalasynda dúnıege kelgen. Kópbalaly otbasynyń segiz perzenti bolsa, ol 5-si. Januıasy 2004 jyly Qazaqstanǵa qonys aýdarǵan soń, Halıda orta mektepti Shymkentte támamdaǵan. Jastaıynan belsendi oqýshylardyń qatarynan kóringen ol túrli is-sharalarǵa qatysyp, mektepti «Úzdik» attestatpen bitiredi. Sóıtip Shymkenttegi joǵarý oqý ornyna grant negizinde oqýǵa túsip, stýdet kezinde kóptegen uıymdardyń jumystaryna atsalysady.
«Stýdent bolyp júrip dostarymyzben kezdesken kezde tanys qurbym óziniń eriktiler qatarynda ekenin aıtyp, jumystary jaıly áńimelep berdi. Sodan mende de qyzyǵýshylyq paıda bolyp, eriktilerdiń qataryna qosylǵym keletinin jetkizdim. «Sheksizdik» atty erikiler uıymynda júrip, birqatar qoǵamdyq jumystarǵa atsalystyq. 2019 jyldan keıin bul uıym jabylyp, men keıinnen «ASAA» uıymyna «Jeńis» jobasynyń jumysy boıynsha kómek kórsete bastadym. Ózge eriktilerimen birge múmkindigi shekteýli balalarǵa arnalǵan «Meıirimdi jan» aktsııasyn ótkizdik»,- deıdi Sher Mýhammad Halıda.
Halıda men ózge jastar aktsııa aıasynda balalardy ońaltý ortalyqtaryna baryp, merekelik sharalar uıymdastyrǵan. Taǵdyr taýqymetin tartyp júrgen balalarǵa qýanysh syılap qaıtqan. Al, aǵymdaǵy jyldyń aqpan aıynda Volonterlar jyly men front-ofısiniń ashylýyna oraı uıymdastyrylǵan forýmǵa Shymkent qalasynyń eriktilerimen birge qatysyp, UNICEF BÁBQ «Be Kind» jobasynyń arnaıy kýrsyna qatysqan. Sóıtip mamyr aıynan bastap mektep oqýshylary men ata-analarǵa qajetti semınar-trenıngter ótkizgen.
«Meıirimdi bol» jobasy maǵan jańa álemdi ashýǵa shynymen kómektesti. Balalar álemi oqýshylarmen jumys jasaý jáne oqý barysynda jasóspirimdermen sóılesý daǵdysyn meńgerdim. Qazir men olarmen sóılesip, eshbir qıyndyqsyz til tabysa alamyn. Bul trenıngter ata-analarǵa da óte paıdaly boldy. Barlyq ata-analar bizdiń tálimgerlerimizge, kóp aqparattar bergeni úshin ıÝNISEF-ke alǵystarn bildirdi. Al, elimizde karantındik shekteýler engizilgen kezde men «Іzgilikte jarysaıyq» QQQ-na tótenshe jaǵdaıǵa oraı ashylǵan «Call tsentrde» operatorlyq qyzmetin atqardym. Karantın ýaqytynda 5000-nan astam muqtaj otbasylarǵa azyq-túlik úlestirýge atsalysyp, Maqtaralynda oryn alǵan tótenshe jaǵdaıǵa baılanysty adamdarǵa kómek retinde kıim-keshekter men azyq-túlikter jetkizip berdik. Osy jyldyń tamyz aıynda «Mektepke jol» aktsııasy aıasynda muqtaj otbasylardyń balalaryn oqý quraldarymen qamtamasyz ettik» «,- deıdi Sher Mýhammad Halıda.
Qazirgi tańda «Іzgilikte jarysaıyq» qoǵamdyq qaıyrymdylyq qorynyń baspasóz hatshysy qyzmetin atqaratyn boıjetken birqatar áleýmettik jobalardyń júzege asyrylýy barysynda atsalysyp júr. Ata-anasynyń qamqorlyǵynsyz qalǵan balalarǵa tegin aǵylshyn tilin úıretip, az qamtylǵan otbasylardyń balalary úshin sporttyq is-sharalar uıymdastyryp otyrady. Jetkinshekterdiń kitapqa qyzyǵýshylyǵyn arttyryp, turmys jaǵdaıy tómen analar men eriktilerdi jańa daǵdylarǵa úıretedi. Sonymen qatar, «Kıim keshek» pen «Erekshe jandarǵa kómek», «Tótenshe jaǵdaı» men «Qaıyrymdylyq», «Nan taratý» men «Uıymdastyrýshylyq estafeta», «Úsh jaqsylyq» pen «Shańyraq» jobalary da qala turǵyndarynyń áleýmettik jaǵdaılaryn jaqsartý úshin baǵyttalǵan.
«Qordyń eriktilermen birge «Eko-Sana» qozǵalysyna qatysyp, júldeli 1-oryndy jeńip aldyq. Bizge 10 velosıped tartý etken bolatyn. Ózara aqyldasa otyryp, 8 velosıpedti muqtaj otbasylarynyń balalaryna syıǵa tarttyq. Qalǵan ekeýin eriktilerimizge qaldyrdyq. Qazirgi tańda, eriktiler mektebinde 130-dan astam jastarmen jumys jasap kelemiz. Aldaǵy ýaqytta qoǵamnyń ıgiligi úshin úlken mańyzy ister atqaratynymyzǵa nyq senimdimiz»,- deıdi Sher Mýhammad Halıda.
