Aýǵanstannan Ortalyq Azııa elderine áli de qaýip bar – Qasym-Jomart Toqaev

ASTANA. QazAqparat – Memleket basshysy Qasym-Jomart Toqaev «Ortalyq Azııa – Reseı» sammıtinde sóılegen sózinde jańa ekstremıstik syn-qaterlerdi atady, dep habarlaıdy QazAqparat tilshisi.

«Memleketterimiz úshin áli de syn-qater saqtalyp otyrǵan Aýǵanstandaǵy jaǵdaıǵa erekshe nazar aýdarý kerek. Bir qaraǵanda úırenshikti bop kóringen máselelerden bólek, ekstremıstik ıdeologııanyń kelýi, sodyrlardyń bizdiń aımaqqa destrýktıvti elementterdi jasyryn ınfıltratsııalaýy sııaqty jańa qıyndyqtar týyndap otyr. Sondyqtan, biz osyndaı qaterlerdi ýaqytyly anyqtap, aldyn alý úshin arnaıy qyzmet jelisi boıynsha baılanysty jandandyrýymyz qajet dep esepteımin», - dedi Qasym-Jomart Toqaev.

Aıta keteıik, elordada «Ortalyq Azııa-Reseı» sammıti bastaldy. Joǵary deńgeıdegi kezdesýge Qazaqstan, Qyrǵyzstan, Ózbekstan, Tájikstan, Túrikmenstan jáne Reseı prezıdentteri qatysýda. Olar altyjaqty formattaǵy yntymaqtastyqtyń keleshegin talqylap jatyr.

Buǵan deıin Memleket basshysy Ortalyq Azııanyń jekelegen elderindegi shekara máselesine pikir bildirgen edi.

Sonymen birge, Q. Toqaev Ortalyq Azııa elderi men halyqtarynyń negizgi múddelerine súıene otyryp, jańa qaýipterdiń aldyn alý jáne olarǵa ýaqtyly jaýap qatý úshin pármendi quraldardy ázirleý qajettigin aıtty.

Foto: t.me/bort_01