Aýǵanstandyq balanyń denesinde osy eldiń memlekettik kartasynyń «kóshirmesi» bar bolyp shyqty

9 jastaǵy aýǵan balasy Grannyń esimi kútpegen jerden tórtkil dúnıege áıgili boldy»,- dep jazady «Aıqyn» basylymy. Qarapaıym etikshiniń otbasynda dúnıege kelgen uldyń denesindegi «kar­taǵa» ata-anasy da, dárigerler de bas­tapqyda mán bere qoımapty. Bir tań­danarlyǵy, Aýǵanstannyń kartasy Grannyń dene­siniń sol jaq bóligine, júrek tusy mańyna ornalasqan eken. Muny kórgen jergilikti kóripkel men baqsy-bal­ger­ler «ol - Allahtyń balasy, mundaı múm­kindikti oǵan Qudaı syılaǵan, biz Grandy ómir boıy qadir tutyp, aıalaýy­myz kerek» - degen kórinedi. Al muny estip-bilgen jergilikti qaltaly azamattar erek­she jaratylǵan Grannyń ata-ana­syna jekemenshik turǵyn úı salý úshin arnaıy jer telimin satyp alyp berdi. Buǵan qosa, balanyń oqyp, bilim alýyna qajetti qarjyny da óz moıyndaryna aldy. Sondaı-aq jergilikti patrıottar Grannyń otbasy músheleriniń árqaı­sysyna aı saıyn 100 AQSh dollary kóleminde qarjy bólýge ýáde etti. Gran Uly­brıtanııanyń «The Daily Telegraph» gazetiniń tilshisine bergen suhbatynda: - Buǵan deıin ákem kún saıyn úıge eń kem degende, 4 AQSh dollary kóleminde qarjy taýyp kelýdi talap etetin. Al kók tıyn túspegen kúni esimnen tan­ǵansha sabaıtyn. Qudireti kúshti Allah­tyń arqasynda ákem Sherdiń azabynan qutyldym. Maǵan kómektesken tur­ǵyndarǵa sheksiz rıza­myn, - dep jan sy­ryn aqtarypty.