Aýǵanstandy qoldaýdy aýǵandyqtar tek bir adamdy qoldaý dep tanymaýy tıis - Aýǵanstannyń burynǵy Syrtqy ister mınıstri
trong>. Mamyrdyń 14-i. QazAqparat /Erlik Erjanuly/ - Aýǵanstandy qoldaý degenimiz - bul halyqty qoldaý jáne osy eldegi ınstıtýttardy qoldaý bolýǵa tıis. Ol búgin Almatyda «EQYU-nyń eýrazııalyq ólshemi» degen taqyrypta ótip jatqan Transazııalyq parlamenttik forýmda aıtyldy,
dep habarlaıdy QazAqparat.
«Qoldaýdy aýǵanstandyqtar tek qana bir adamǵa qoldaý kórsetý retinde tanymaýy tıis. Bul óte mańyzdy. Mundaı jaǵdaıda bul kómekti bireýler teris paıdalanýy múmkin. Ókinishke oraı, Aýǵanstan úkimeti sybaılas jemqorlyqtyń túp-tamyryn qurta almaı otyr. Halyqaralyq qoǵamdastyqtyń qoldaýyna keletin bolsaq, ártúrli deńgeıde merdigerlik jaǵdaıynda salyq tóleýshilerdiń mıllıardtaǵan aqshasy joǵalyp ketip jatady. Dál osynyń asa mańyzdy másele ekenin aıtqym kep otyr. Úkimettik emes uıymdar ózderiniń isi úshin donorlar aldynda jáne Aýǵanstan úkimeti aldynda jaýap berýge tıis. Olar qazir tym táýelsiz bop ketken», deıdi Aýǵanstannyń burynǵy Syrtqy ister mınıstri Abdýlla Abdýlla. Onyń aıtýynsha, NATO áskerlerin shyǵarýdan týyndaıtyn saldarlar ártúrli. Aýǵanstan halyqaralyq qoǵamdastyqtyń qatysýymen 9 jyl boıy ómir súrip kele jatyr. Endi onysyz ómir súretin bolady. Biraq aıaǵynan nyq turyp ketetin deńgeıge áli jetken joq.
«Aýǵandyqtar sizdiń qoldaýlaryńyzdy túsinistikpen qabyldaıdy. Azamattyq shyǵyndar oryn alǵan kezde árıne bul jaǵdaıdy qabyldaı bilý qajet. Biz áskerı qatysýdyń merzimin qysqartýymyz kerek. Demokratııalyq damý úderisterinde aýǵanstandyqtardyń kópshligi birigip ózin-ózi qoldaýǵa jumylýy tıis. Oǵan qol jetkizbeıtin bolsaq, Aýǵanstan 1999 jyldyń qarańǵy kezeńine qaıta keledi. Onyń saldary uzaqqa sozylýy jáne álemge taralýy múmkin. Al mıllıondaǵan beıbit halyq lańkesterdiń shaǵyn toptarynyń yqpalyna túspek», deıdi Abdýlla Abdýlla.
