Aýǵanstandy bombalaǵany úshin GFR Qorǵanys mınıstrligin sotqa berdi
ASTANA. Qyrkúıektiń 6-sy. QazAqparat - Qundyzda (Aýǵanstan) NATO-nyń áýe soqqysynan keıin tiri qalǵan janarmaı tasıtyn kólik júrgizýshisi GFR Qorǵanys mınıstrligin sotqa berdi. Ol aqshalaı tólemaqy men uzaq ýaqyt kórsetiletin medıtsınalyq kómek talap etedi, dep habarlaıdy RBK.
2009 jyldyń qyrkúıeginde áýeden soqqy berilgen, al oǵan buıryqty býndesver polkovnıgi Georg Klıaın bergen eken.
Zardap shegýshi, Germanııadan dene jaraqaty úshin tólemaqy jáne uzaq merzimdik medıtsınalyq kómek kórsetýdi talap etedi. Bul jóninde aryzdanýshynyń berlındik qorǵaýshylary aıtty.
Aryzdanýshynyń aıtýynsha, atalǵan oqıǵa saldarynan qaza tapqan jáne jaraqat alǵan 86 otbasynyń árqaısysyna Berlın dál qazirgi ýaqytta 5 myń dollardan tólep otyrǵanymen, zardap shegýshi Germanııa úkimeti ýáde etken tólemaqyny áli kúnge almaǵan.
Qyrkúıektiń 3-inde, juma kúni Germanııa oqıǵany zertteý aıaqtaldy, dep málimdedi.
Esterińizge sala keteıik, 2009 jylǵy qyrkúıektiń 4-indegi áýe soqqysy saldarynan Qundyzda 142 adam qaza tapty, olardyń basym bóligi beıbit turǵyndar bolǵan.
