Aýǵanstandaǵy jarylystyń saldarynan tórt polıtseı opat boldy
ASTANA. 2 jeltoqsan. QazAqparat - Aýǵanstannyń ortalyǵyndaǵy Vardak provıntsııasynda jarylystyń saldarynan aýǵannyń tórt polıtsııa qyzmetkeri qaza bolyp, 17-si jaraqat aldy.
Bul oqıǵaǵa «Talıban» qozǵalysy jaýapkershilikti alyp otyr.
Atalǵan jarylysty jankeshti oryndaǵan kórinedi. Ol jarylǵysh zat qoıylǵan kólikpen polıtsııa basqarmasynyń ǵımaratyna soǵylǵan. Zardap shekken tórt polıtseı qazirgi kezde aýyr halde jatyr
17 qarashada tálibter Aýǵanstan astanasy Kabýldaǵy shabýylǵa jaýapkershilikti ózderiniń moınyna aldy. Osynyń saldarynan 10 adamnyń ómiri qıylyp, taǵy 20 adam jaraqat aldy.
