Aýǵanstandaǵy jarylystan jeti adam kóz jumdy
ASTANA. QazAqparat - Aýǵanstandaǵy jarylys saldarynan jeti adam qaza taýyp, eki adam zardap shekti, dep habarlaıdy Sınhýa agenttigi eldiń ІІM silteme jasap.
Oqıǵa Nangarhar provıntsııasynyń shyǵysyndaǵy tas joldyń jıeginde bolǵan. Jaýapkershilikti ázirge aýmaqtaǵy terrorıstik toptardyń eshbiri moıyndaryna alǵan joq. Qosymsha málimetter ázirge habarlanbaı otyr.
Aýǵanstandaǵy jaǵdaı sońǵy aılarda kúrdelene túsýde. Eldiń aýyldyq jerlerin jaýlap alǵan "Talıban" qozǵalysy iri qalalarǵa shabýyl jasaýda. Sondaı-aq, el aýmaǵynda «Islam memleketi» terrorıstik toby quryldy.
