Aýǵanstandaǵy jarylystan on adam mert boldy
ASTANA. QazAqparat - Aýǵanstanda Qandaǵar men Djalalabadta jol boıynda bolǵan eki jarylystan 10 adam ajal qushty, dep jazady VVS.
Joldaǵy jarylǵysh zattar avtokólik ótip bara jatqanda iske qosylǵan. Qurban bolǵandardyń basym bóligi beıbit turǵyndar, al Djalalabadtaǵy jarylysta polıtsııa qyzmetkeri mert boldy.
Aýǵanstan Іshki ister mınıstrligi oqıǵaǵa «Talıban» qozǵalysyn aıyptap otyr, biraq olardyń jarylysty moınyna alǵany týraly málimdeme shyqqan joq.
Aıta keteıik, osy ýaqytta AQSh Memlekettik hatshysy Djon Kerrı Kabýlda is-saparmen júr.
