Aýǵanstandaǵy jarylys qurbandarynyń sany 9 adamǵa jetti
ASTANA. QazAqparat - Aýǵanstan memleketiniń Kandagar qalasynda jarylys saldarynan qaza bolǵandar sany 9 adamǵa deıin artty, taǵy 16-sy jaraqattandy, olardyń arasynda Birikken Arab Ámirlikteriniń eki dıplomaty bar, dep habarlaıdy QazAqparat.
Buǵan deıin mert bolǵan - úsh jáne jaraqattanǵan segiz adam týraly habarlanǵan bolatyn, olardyń arasynda Kandagar gýbernatory bar.
TOLO News telearnasynyń atap ótýinshe, jaraqat alǵandardyń ishinde elshi men BAÁ-niń dıplomatııalyq ókili bar. Arab eliniń tórt kúzetshisi kóz jumdy.
«RIA Novostı» agenttiginiń jazýynsha, seısenbi kúni Kabýlda parlamenttik keshenniń mańynda eki jarylys oryn aldy, 38 adam ajal qushty. Terakt úshin jaýapkershilikti «Talıban» radıkaldy qozǵalysy óz moınyna aldy.
Sońǵy ýaqytta Aýǵanstandaǵy ahýal aıtarlyqtaı nasharlady. Eldiń aýyl aımaqtarynyń basym bóligin basyp alǵan «Talıban» qozǵalysy iri qalalarǵa shabýyldy bastady. Sondaı-aq Aýǵanstan aýmaǵynda «Islam memleketi» (Qazaqstanda tyıym salynǵan) lańkestik tobynyń yqpaly artty.
